Kryeministri në detyrë, Ramush Haradinaj, ka njoftuar se Shpend Maxhuni ka dhënë dorëheqje nga pozita e shefit të Agjencisë Kosova të Intelegjencës.

Hardinaj thotë se e falënderoi Maxhunin për punën e tij, por nuk ka treguar arsyet e dorëheqejs, shkruan Reporteri.net.

Njoftimi i Hardinajt:

Kam pranuar dorëheqjen e Drejtorit të AKI-së, z. Shpend Maxhuni, nga funksioni i tij në krye të Inteligjencës kosovare.

Z. Maxhunin e falënderova për bashkëpunimin profesional të deritashëm në mbrojtjen e sigurisë së vendit dhe popullit tonë.

Për kontributin e tij në obligimet shtetërore dhe Institucionale e dekorova z. Maxhunin me Medaljen e Skenderbeut, me motivacionin për profesionalizëm dhe besnikëri në shërbim ndaj atdheut.

Gjatë këtij mandati, Qeveria e Kosovës është angazhuar pandalë në forcimin e rendit dhe ligjit në vend dhe institucionet e sigurisë. Në këtë angazhim, roli i z. Maxhunit ka qenë i rëndësisë së veçantë dhe sot, AKI është një ndër institucionet më profesionale dhe më kredibile në vend dhe më gjërë.