Kryeministri në detyrë, Ramush Haradinaj, përmes një postimi në Facebook ka përkujtuar ushtarët britanik që humbën jetën gjatë shërbimit me forcat e NATO-s në Kosovë.

Ai ka thënë se liria e vendit tonë erdhi nga sakrifica dhe flijimi i shumë civilëve dhe ushtarëve, ku pjesë e kësaj ishin edhe aleatët dhe miqtë që e përkrahën Kosovën edhe në kohën e luftës.

“Sot, me respektin e përjetshëm, përkujtojmë 14-të anëtarët e Forcave të Armatosura Britanike, që humbën jetën gjatë shërbimit me forcat e NATO-s në Kosovë.Liria e popullit tonë, është ndërtuar në themelet e sakrificës dhe flijimit. Në këtë rrugëtim, miqtë dhe aleatët tanë ishin përkrah nesh.Kosova përherë do të nderoj sakrificën deri në flijim, për liri e demokraci”, shkruan Haradinaj