Kreu i Vetëvendosjes, Albin Kurti, për herë të parë është prononcuar lidhur me shefin e ri të Agjencisë Kosova për Inteligjencë.

Ai ka thënë se e përshëndet dorëheqjen e Shpend Mahxhunit nga posti i shefit të AKI-së, por jo edhe dekoratën që mori ditë më parë nga kryeministri në detyrë, Ramush Haradinaj.

“Nuk kam sesi mos ta përshëndes dorëheqjen e Shpend Maxhunit por tash aty duhet të dikush i cili u përgjigjet sfidave të kohës të cilët do t’i kalojmë me sukses në anën tjetër”, ka deklaruar Kurti sot për mediat, shkruan Reporteri.net.

Bazuar në afatin e paraparë në Ligjin për AKI-në, java e ardhshme duhet ta gjejë Kosovën me shefin e ri të Inteligjencës.

Ish-shefi i AKI-së Shpend Maxhuni kishte dhënë dorëheqje më 6 nëntor, duke mos i bërë të ditura arsyet, mirëpo ishte kryeministri në detyrë Ramush Haradinaj i cili tha se ky vendim erdhi për arsye shëndetësore.

Përndryshe, Ligji për AKI-në thotë se “Presidenti i Republikës së Kosovës së bashku me Kryeministrin, emërojnë së bashku Drejtorin e AKI brenda njëzet (20) ditësh pune nga dita kur pozita mbetet e lirë”. /Reporteri.net/.