Ka nisur në Prishtinë protesta e paralajmëruar kundër vendimit  të Bankës Qendrore të Kosovës për shtrenjtimin e sigurimit të automjeteve për 26%.

Protesta po mbahet para objektit të Bankës Qendrore të Kosovës, ndërsa aty janë mbledhur një numër solid i qytetarëve.

Protestuesit kanë thënë se nuk do të tërhiqen derisa të kthehet vendimi i vjetër. Ata kanë paralajmëruar se ditëve në vijim protesta vetëm se do të radikalizohet, nëse nuk përmbushen kërkesat e tyre, shkruan Reporteri.net.

“Protesta do të radikalizohet ditëve në vazhdim do të bllokojmë edhe rrugët.  Me protestë paqësore kërkojmë kthimin e vendimit të vjetër. Protesta do të jetë një orëshe. Nëse guvernatori ka interes të na takojë jemi të hapur, por kërkesat tona janë të qarta, të kthehet vendimi i vjetër që ka qenë. Nuk do të ndalemi me kaq, ne do të vazhdojmë çdo javë, në qoftë nevoja çdo ditë që të kthehet vendimi i vjetër”, ka thënë njëri nga organizatorët e protestës.

Kujtojmë se protesta është organizuar nga grupi “Merakli t’kerreve”.

Një protestë tjetër është paralajmëruar për nesër prej orës 16:00, para objektit të BQK-së nga grupi “Speedomaniaks”.

Organizatorët e të dy grupeve kanë bërë të ditur se nuk do të heqin dorë deri në realizimin e kërkesave të tyre. /Reporteri.net