Dy të rinj shqiptar u arrestuan nga policia italiane teksa po transportonin lëndë të forta narkotike drejt Francës duke kaluar në tunelin e Malit të Bardhë.

Ata u ndaluan gjatë kontrollit të makinës së tyre në hyrje të tunelit. Këta dy persona rezultuan se kishin me vete rreth 100 mijë € ishin pajisur me vizë turistike 3-javorë, ndërsa punonin si shpërndarës droge. Paratë e siguruara nga shitja e drogës përdoreshin për të blerë automjete në Zvicër.

Më pas, forcat e rendit zbuluan një laborator droge në Saint Julien, që ndodhet në afërsi të kufirit me italo-zviceran, ku u sekuestruan 1.5 kg heroinë, 1.7 kg kokainë dhe 60 mijë €.

Sipas llogaritjeve, vlera e drogës së përpunuar shkon në 500 mijë euro.