Lëvizja Vetëvendosje përmes një shkrimi ka reaguar ndaj çështjes së 392 pakove me fletëvotime nga diaspora që kanë arritur në adresë të KQZ’së më 12 nëntor, duke e dërguar në Gjykatë Supreme dhe duke kërkuar rinumërim të këtyre fletëvotimeve.

Sipas tyre e drejta e drejta e votës si e drejtë kushtetuese dhe universale, duhet të mbrohet dhe të respektohet. Ndërsa çdo votë e ardhur në adresë të KQZ-së dhe e nisur nga votues të regjistruar dhe brenda afatit, duhet të numërohet dhe të përfshihet në rezultatin përfundimtar, shkruan Reporteri.net

Mirëpo fajin për vonesën e shpalljes së rezultatit preliminar Lëvizja Vetëvendosje ia lë PZAP-it.

“Ju kujtojmë se faktori kryesor që ka shkaktuar këtë stërzgjatje të kalendarit të aktiviteteve të KQZ-së është Paneli Zgjedhor për Ankesa dhe Parashtresa”, thuhet tutje në njoftim.

Mirëpo, i menjëhershëm ka qenë reagimi i deputetës të LVV-së, Albulena Haxhiut, e cila ka thënë se Gjykata Supreme duhet të rikonfirmojë edhe njëherë këtë kërkesë dhe të urdhërojë numrimin e tyre pa humbur kohë.

Reporteri.net