Presidenti i vendit, Hashim Thaçi, familjes Abazi nga Livoçi i Gjilanit i ka shprehur ngushëllimet për humbjen e dy vëllezërve Shemsedinit dhe Isës, që vdiqën si pasojë e tërmetit të sotëm.

Ai ka thënë se “sot jemi solidarë dhe ndajmë dhembjen me të gjitha familjet në Shqipëri, që humbën familjarët e tyre të shtrenjtë”, shkruan Reporteri.net.

“Familjes Abazi nga Livoçi i Gjilanit i shpreh ngushëllimet më të sinqerta për humbjen e dy vëllezërve: Shemsedinit dhe Isës si pasojë e tërmetit që ndodhi sot në mëngjes.
Sot jemi solidarë dhe ndajmë dhembjen me të gjitha familjet në Shqipëri, që humbën familjarët e tyre të shtrenjtë. HTH”, ka shkruar Presidenti.

Ndryshe, i pari i shtetit njoftoi sot gjatë ditës se, në nderim të viktimave, e ka shpallur të mërkurën ditë zie.