Deri në këto momente kishte shumë shpresë që një i ri do të nxirrej i gjallë nga rrënojat, pasi ishte mbajtur prej orësh me pompën e oksigjenit.

Por, i riu me mbiemrin Çuka ka ndërruar jetë, pasi një copë betoni i kishte zënë pjesën e gjymtyrëve prej 17 orësh.

I riu ka luftuar deri në momentet e fundit, pasi ka komunikuar me ekipet shpëtuese, duke iu thënë se nuk i ndjente pjesët e poshtme të gjymtyrëve.

Me gjithë angazhimin e ekipeve, i riu pak më parë i ka mbyllur sytë përgjithmonë.

Kjo viktimë çon në 23 numrin e të vdekurve nga tërmeti që goditi Shqipërinë ditën e sotme.