Shqipëria gjatë ditës së djeshme u trondit nga një tërmet i fuqishëm, i cili la 32 të vdekur, qindra të lënduar dhe shumë ndërtesa të shkatërruara.

Menjëherë pas tërmetit shtete të ndryshme kanë ofruar ndihmë duke dërguar ekipet e tyre të specializuara për raste emergjente në Shqipëri. Në mesin e tyre është edhe Serbia, ku një ekipi shpëtimi nga ky shtet raportohet se ka nxjerrë nga rrënojat dy trupa të pajetë në zonën e Thumanit, e cila u prek më së shumti nga tërmeti i djeshëm, transmeton Reporteri.net.

Siç raportohet nga ekipet e Serbisë janë nxjerrë trupat e pajetë të një gruaje dhe një burri.

Ndryshe, nën rrënoja raportohet se vazhdojnë edhe 20 persona, për të cilët po vazhdon kërkimi. /Reporteri.net