Dy partitë që fituan zgjedhjet e 6 tetorit, Vetëvendosje e LDK edhe pse dhanë sinjale të forta se sot do të nënshkruanin marrëveshje për bashkëqeverisje, kjo gjë nuk u bë.

Në takimin e sotëm u konfirmuan se këto dy parti kanë dallime të mëdha, dhe “luftë” të madhe për pozitat ministrore si dhe atë të presidentit.

Sipas TV Dukagjinit, Mustafa i ka bërë dy oferta sot në takim Kurtit.

“Merre gjysmën e qeverisë, preisdentin dhe kryeparlamentarin ose kryeministrin dhe gjysmën e qeverisë”, është thënë në emisionin “Debat Plus” në TV Dukagjini, shkruan Reporteri.net.

Kujtojmë se as Kurti e as Mustafa nuk treguan cilat janë dallimet mes tyre, ndërsa deklaruan se do të takohen ditët e ardhshme për të diskutuar për formimin e qeverisë. /Reporteri.net/.