Ish-deputeti i Kuvendit të Kosovës, Frashër Krasniqi ka komentuar takimin e anëtarëve të Vetëvendosjes me Marko Gjuriq.

Krasniqi i cili dikur ishte pjesë e Lëvizjes Vetëvendosje, tani në PSD ka thënë se ashtu siç po e arsyetojnë takimin nëpër kafe me Gjuriqin, i cili po të ndodhte me këdo jashtë VV-së do të cilësohej si tradhti kombëtare e shitje e Kosovës, ashtu nesër do të arsyetojnë ri-kapjen e shtetit, keq-qeverisjen dhe autorizimin e tyre, ka shkruar ai, shkruan Reporteri.net.

Postimi i tij:

Ashtu qysh sot po e arsyetojnë takimin nëpër kafe me Gjuriqin – i cili po të ndodhte me këdo jashtë VV-së do të cilësohej si tradhëti kombëtare e shitje e Kosovës, ashtu nesër do ta arsyetojnë ri-kapjen e shtetit, keq-qeverisjen dhe autoritarizmin e tyre.

Sepse ky është morali hipokrit popullist: çkado që bëjnë ata është në “interes të popullit”, çkado që bëjnë të tjerët është “tradhëti ndaj popullit”.

E mira këtu është që demaskimi i këtyre hipokritëve po ndodh më shpejt se ç’e prisnim.

https://www.facebook.com/frasherkrasniqi/posts/10222048995440419