Kryetari i Lidhjes Demokratike të Kosovës, Isa Mustafa, ka thirrur mbledhje urgjende të Kryesisë së partisë që drejton, pas takimit të fundit me Albin Kurtin.

Reporteri.net ka biseduar me anëtarin e Kryesisë së LDK-së, Safet Kamberin, i cili ka konfirmuar thirrjen e mbledhjes.

“Po, mbledhja është thirrur për nesër në orën 11:00 dhe mbahet në selinë qendrore të partisë”, ka thënë Kamberi.

Ndërkohë, edhe VV-ja duket se do ta mbledhë Kryesinë së shpejti, pasi për postin e presidentit është mësuar se do të vendosin strukturat e partisë.

Reporteri.net më herët shkruajti se VV-ja ka pranuar t’ia jap presidentin LDK-së, mirëpo ka vendosur një kusht. Ata po kërkojnë emrin që potencialisht do të propozohej pas 1 viti e gjysmë, për të vendosur organet e partisë më pas.