Një aksident trafiku ka ndodhur në Sllatinë në mes trenit dhe një veture.

Aksidenti ka ndodhur rreth orës 19:50 me ç’rast ka mbetur i lënduar një person. Rastin e ka konfirmuar për Reporteri.net zëdhënësi i Policisë së Kosovës, Daut Hoxha.

“Ju njoftoj se me datë 15.12.2019 rreth orës 19:50 është pranuar një informatë se në rrugën e re të aeroportit , Sllatinë, është shkaktuar një aksident trafiku në mes të një veture dhe trenit. Në aksident ka qenë e përshirë vetura e tipit Audi ngjyrë e zezë me targa vendore, ku në automjet kanë qenë 5 persona (prej tyre 3 fëmijë). Në aksident ka pësuar lëndime vetëm shoferi i veturës Audi”, ka treguar Hoxha për Reporteri.net.

Ai ka bërë të ditur se, përveç njësive policore që kanë dalë në vendin e ngjarjes, atje janë paraqitur edhe ambulanca si dhe njësia e trafikut rajonal te Policisë të cilët janë marr me rastin. /Reporteri.net/.