Kryetari në largim i Kuvendit të Kosovës, Kadri Veseli, ka ftuar për të mërkurën mbledhjen e Kryesisë, po ashtu në largim, të Kuvendit.

Siç mëson Gazeta Online “Reporteri.net”, mbledhja e kryesisë dhe nënkryetarëve të legjislaturës së kaluar, është thirrur për në ora 11:00, të ditës së nesërme.

Në këtë mbledhje, parashihet të caktohet rendi i ditës për seancën e 26 dhjetorit, e cila do të jetë seanca konstituive e legjislaturës së re të dalë nga zgjedhjet e 6 tetorit 2019.

Ndërkohë, një javë para kësaj seance ende nuk ka marrëveshje politike mes partive që do të mundësonte krijimin e institucioneve të reja. LDK e VV janë duke i vazhduar negociatat mes vete, por deri më tash ende nuk janë pajtuar për të krijuar Qeverinë e re. /Reporteri.net/.