Mbrëmë në orët e vona të natës, një përleshje mes disa të rinjve ka ndodhur në një lokal nate në Prishtinë, duke rezultuar me plagosjen e njërit prej tyre, shkruan Reporteri.net.

Policia ka treguar se i gjithë rasti ka ndodhur në një lokal në rrugën “Enver Zymberi”, 20 minuta para mesnatës, përkatësisht rreth orës 23:40 minuta,

Njësitë policore kanë dalur menjëherë në vendin e ngjarjes, teksa dyshohet se deri tek plagosja ka ardhur pas një zënke mes disa të rinjve.

Në vendin e ngjarjes, Policia ka konfiskuar një armë, ka intervistuar të dyshuar dhe dëshmitarë.

Me aktvendim të prokurorit një i dyshuar dërgohet në mbajtje për 48 orë.

“Rruga ,,Enver Zymberi” Prishtinë, 19.12.2019 rreth orës 23:40 Në një lokal ka ndodhur një rast plagosje me armë zjarri. Njësitet relevante policore kanë dal në vendin e ngjarjes. I plagosuri është dërguar në QKUK për tretman mjekësor. Dyshohet se deri tek plagosja ka ardhur pasi një fjalosjeje (zënke) mes disa të rinjve. I plagosuri deklaron se është lënduar aksidentalisht vet-plagosur. Policia ka konfiskuar një armë, ka intervistuar të dyshuar dhe dëshmitarë. Me aktvendim të prokurorit një i dyshuar dërgohet në mbajtje për 48 orë” thuhet në raport./Reporteri.net