Zëvendësdrejtori i Telekomit, Arsim Ramadani, ka reaguar në lidhje me përleshjen me armë mbrëmjen e kaluar.

Ramadani përmes rrjetit social Facebook, ka thënë se nuk është i përfshirë në rast dhe ka shtuar se është i hapur të deklarohet lidhur me rastin.

“Unë jam i hapur që të flas e të deklarohem por kërkoj edhe njëherë raportim të saktë dhe jo tendecioz sikur është bërë sot.”, ka shkruar ai.

Një ndejë që do të shënonte përmbylljen e vitit të Telekomit eskaloi në përleshje mes zyrtarëve të kësaj kompanie Arsim Ramadanit e Shaban Ramajt, ku ky i fundit përfundoi i plagosur, shkruan Reporteri.net.

Ramadani e Ramaj që të dy punojnë në departamentin e logjistikës në Telekomin e Kosovës. Për këtë punë ata marrin shuma goxha të majme parash. Konkretisht shuma që Shaban Ramaj merr në këtë kompani është 2,250.83 euro, po aq sa merr edhe kolegu i tij Arsim Ramadani.

Raportohet se të dy janë punësuar në Telekom gjatë valës së fundit të punësimeve.

https://www.facebook.com/Arsim.Ramadani123/posts/2400569993404292