Kryeministri shqiptar, Edi Rama, gjatë mbrëmjes së djeshme nuk kurseu fare fjalët lidhur me politikanët e Kosovës, duke ironizuar madje se nuk janë as sa gjysma e nivelit të Policisë së Kosovës.

Rama më tej shprehu kritika edhe për qasjen e Kosovës në projektin e Mini-schengenit ballkanik, projekt ky që udhëhiqet nga ai dhe presidenti serb Aleksandar Vuciq, shkruan Reporteri.net.

E këto fjalë dhe veprime të kryeministrin shqiptar e kanë befasuar opinionistin Arben Ahmeti, i cili po cuditet me heshtjen e kryeministrit në ikje, Ramush Haradinaj, dhe atij në ardhje, Albin Kurti.

“Të papritura veprimet e sidimos deklarimet e Edi Rames karshi Prishtines. Ajo qe po me befason eshte heshtja e Ramushit dhe Albinit?! A keni dicka per te deklaruar?!”, ka thënë Ahmeti.

Ndryshe, Edi Rama shquhej për afërsi me presidentin Hashim Thaci, por edhe me këtë të fundit i ka dalur problem kohën e fundit, pasi Mini-Schengeni nuk gjeti përkrahje as tek miku i vjetër./Reporteri.net