Kreu i PSD-së, Dardan Molliqaj, pas mbledhjes së Këshillit Drejtues ku u zgjodhën organet e reja drejtuese, përmes një shkrimi në Facebook ka thumbuar ish-partinë e tij Vetëvendosje, edhe pse nuk e ka përmendur me emër.

Ai ka thënë se partia e tij ka përpara një rrugë të gjatë e të mundimshme për të prodhuar në Kosovë një subjekt që përmes kritikës ideologjike dhe veprimit konkret do të përballet me valën e re të popullizmit që po e prekë edhe Kosovën, duke aluduar në VV-në, shkruan Reporteri.net.

Postimi i tij:

Një javë pas zgjedhjes, Këshilli Drejtues i Partisë Socialdemokrate mbajti mbledhjen e parë ku zgjodhi Kryesinë e re të PSD-së, nënkryetarët dhe Sekretaren e Përgjithshme. Kryesia e përbërë nga 50% gra dhe 50% burra, është ekipa që sot mori përgjegjësinë e udhëheqjes së PSD-së në rrugën e saj të re.

Kjo mbledhje u përshkua nga diskutimi mbi projektin e ri politik të PSD-së dhe profilizimin e ri të partisë, si parti e majtë progresive dhe anti-populliste. Gjatë muajit janar do të përmbyllet edhe faza e profilizimin të partisë.

Bashkë me kryesinë e re kemi përpara një rrugë të gjatë e të mundimshme për të prodhuar në Kosovë një subjekt që përmes kritikës ideologjike dhe veprimit konkret do të përballet me valën e re të popullizmit që po e prekë edhe Kosovën.

Urime të gjithë atyre që u zgjodhën sot në pozitat drejtuese të Partisë Socialdemokrate!

https://www.facebook.com/dardan.molliqaj.10/posts/757908941376907