Kastriot Reçi 47-vjeçari që mbeti i vrarë, gjatë ditës së djeshme në qendër të qytetit të Rrëshenit, sapo kishte dalë nga makina e tij dhe bashkë me të vëllain i ishin drejtuar lokalit të tij kur është qëlluar me snajper nga dikush i cili e ka goditur atë nga kati i fundit i një pallati të pabanuar.

Në lidhje me ngjarjen policia ka shoqëruar 6 persona që mund të kenë dijeni për ngjarjen.

Kastriot Reçi, deri në vitin 2018, sipas Autoritetit të Mediave Audiovizive, ka qenë aksioner në televizioni lokal “Media +”, por që në atë kohë i është hequr licenca me vendim bordi.

Vëllai i Kastriot Reçit, i ekzekutuar dje tregon momentet para vrasjes në Rrëshen.

“Kishim parkuar makinën dhe po shkonim te lokali, Kastrioti po fliste në telefon unë u futa në lokal. Akoma nuk isha ulur në karrige kur dëgjova që bërtisnin. Dola menjëherë i habitur, pasi as krisma nuk dëgjova. Pashë vëllain të shtrirë përmbys në rrugë. E dërguam në spital. Plumbi ishte mes shpatullave”,, thuhet të jetë shprehur ai sipas mediave informative.