Është kryer takimi ndërmjet krerëve të LDK’së dhe Lëvizjes Vetëvendosje në objektin e Kuvendit të Republikës së Kosovës.

Nuk dihet nëse është arritur ndonjë marrëveshje. Nga asnjëra palë nuk kanë dal të flasin për media. Ndryshe ky takimi i sotëm ka zgjatur rreth dy orë.

Para se të hyj në Kuvend, kreu i LDK-së ka dekalruar se “Do mundohemi të arrijmë një marrëveshje”, shkruan Reporteri.net.

Ndërsa kreu i VV-së, para nisjes për Kuvend ka deklaruar “Përpjekjet nuk i ndalim, lëvizje ka pasur, marrëveshje nuk ka ende”.

Kujtojmë se Kurti e Mustafa edhe mbrëmë e parmbrëmë kanë zhvilluar takime për arritjen e marrëveshjes, por e vetmja për çka u dakorduan ishte për të pasur edhe një takim sot.