Dy persona kanë humbur sot në fshatin turistik, Strazh të Kaçanikut.
Rastin e ka konfirmuar për Reporteri.net Agim Gashi, zëdhënës i Policisë së Kosovës për rajonin e Ferizajt.
“Dy persona që ishin pjesë e një grupi për ‘Hiking’, në fshatin Strazh të Kaçanikut sot rreth orës 14:00 janë ndarë prej grupit të tyre. Bëhet fjalë për një femër dhe një mashkull. Ata deri vonë kanë pasur kontakt me telefon me grupin, por më pas është ndërprerë kontakti. Pjesëtarët e grupit dyshojnë se dy personave në fjalë ju është harxhuar bateria e telefonit. Grupi ‘Hiking’ këtë rast e ka lajmëruar në polici rreth orës 18:00”, ka thënë Gashi për Reporteri.net.
Ai më tej ka thënë se në këtë lokacion kanë dërguar ekipet e policisë dhe kanë njoftuar rojtarët e pyllit që e njohin terrenin dhe se janë në kërkim të këtyre dy personave. /Reporteri.net/.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.