Një prift në Brazil ka bërë një deklaratë që i ka kushtuar shumë shtrenjtë.

Gjatë një fjalimi të tij ai ka thënë se gratë e shëndosha nuk shkojnë në parajsë. Kaq ka mjaftuar për të ngjallur një reagim nga ana e një gruaje të ulur në rendet e para.

Kjo ngjarje ka ndodhur në qytetin Sao Paolo të Brazilit.

Në këtë fjalim ishin të pranishëm rreth 50 mijë persona.

Gruaja iu afrua më pas Atit Marcelo Rossi përgjatë ceremonisë në selinë e Cançao Nova (Komunitet brazilian i njohur për transmetime të materialeve fetare në internet), duke e hedhur atë nga skena. Nga ky incident prifti pësoi plagë të lehta dhe më pas ai u pa të ngjitej përsëri në skenë për të vazhduar fjalën e tij. Identiteti i gruas nuk bëhet i ditur, por pas incidentit ajo u arrestua nga policia lokale.