Lideri i Lëvizjes Vetëvendosje, Albin Kurti sot është parë tek Pallati i Drejtësisë në Hajvali.

Arsyeja e prezencës së Kurtit mësohet të ketë qenë ftesa për intervistim nga prokurorët lidhur me kërcënimin që i është bërë në rrjetet sociale nga anëtari i Nismës Sociademokrate, Haxhi Hoti.

Kjo gjë u bë e ditur nga Berat Ganiqi i zyrës ligjore të Lëvizjes Vetëvendosje.

“Sot, së bashku me Kryetarin e Lëvizjes Albin Kurti ishim në Prokurorinë Themelore me ftesë të kësaj të fundit. Albin Kurti është ftuar për intervistim në lidhje me kërcënimin që i është bërë në rrjetet sociale nga Haxhi Hoti, anëtar i subjektit Nisma për Kosovën në fund të dhjetorit 2019”, tha ai.

https://www.facebook.com/bganiqi/posts/10162885740175324

Kujtojmë se Haxhi Hoti vazhdon të jetë në paraburgim, pas kërcënimit që i bëri Kurtit përmes rrjetit social Facebook. /Reporteri.net/.