Kryetari i komunës së Drenasit, Ramiz Lladrovci ka marrë kërcënim me jetë nga një person, mëson Gazeta Online “Reporteri.net”.

Burime të sigurta nga kjo komunë i kanë thënë Reporterit, se kryetari ka marrë kërcënime serioze dhe për këtë edhe është arrestuar nga policia kërcënuesi.

Reporteri.net kanë kontaktuar Policinë e Kosovës të cilët kanë konfirmuar rastin.

“Është arrestuar një i dyshuar mashkull K/Shqiptar, i cili ka kanosur me mesazh në rrjetin social viktimën mashkull shqiptar kosovar. Me urdhër të prokurorit i dyshuari është dërguar në mbajtje”, ka thënë Policia e Kosovës për Reporteri.net.

Nuk dihet akoma se për çfarë ka ardhur deri te ky kërcënim, por Reporteri.net, do t’iu mbajë të informuar për këtë rast. /Reporteri.net/.