Flet sizmiologu Llambro Duni pas tërmetit që lëkundi mbrëmë Tiranën.

Sipas Qendrës Europiane të Sizmologjisë, tërmeti ishte me magnitudë 3.7 ballë të shkallës Rihter, ndërsa epiqendra ishte 11 kilometra në Veriperëndim të Shijakut, me një thellësi prej 5 kilometrash.

Lëkundjet janë ndjerë kryesisht në ndërtesat e larta duke shkaktuar panik tek banorët e kryeqytetit.

Ndërkaq sizmiologu Llambro Duni në një intervistë për News 24 ka pohuar se nuk ka vend për panik dhe se paslëkundjet janë normale.

I pyetur nëse duhet të presim një tjetër goditje me magnitudë më të lartë, Duni ka shprehur bindjen që jo.

“Paslëkundjet janë normale, nuk ka asgjë për shqetësim, unë jam i bindur që nuk do ketë me magnitudë më të lartë, do të jenë me magnuitudë normale”, tha sizmiologu Duni.