Policia e Kosovës, ka konfirmuar vdekjen e zyrtarit policor, në Zhur të Prizrenit.

Tutje policia njofton se nga kjo ngjarje janë lënduar edhe katër persona të tjerë, tre zyrtarë policor dhe një qytetar, shkruan Reporteri.net

Sipas policisë ngjarja ka ndodhur pas një shpërthimi ende të pa identifikuar, gjatë një operacioni policor që po kryhej atje.

“Mund të konfirmojmë se sot 28.01.2020 në orët e mbrëmjes gjatë një operacioni policor në fsh. Zhur të Prizrenit, dyshohet se ka ndodhur një shperthim ku si pasoj e këtij shpërthimi ende të pa identifikuar kanë pësuar lëndime tre zyrtar policor dhe një qytetar. Si pasojë e lëndimeve/plagëve të pësuara dyshohet se njëri nga zyrtarët policor të ketë ndërruar jetë. Njësitet policore relevante dhe stafi menaxhues i PK-se kanë dalur në vendin e ngjarjes. Për informacione tjera do tju njoftojmë në vijim”, thuhet në njoftimin e policisë.