Kryeministri në detyrë i Kosovës, Ramush Haradinaj, ka thënë se do të ishte i gatshëm ta hiqte taksën prej 100 për qind ndaj mallrave nga Serbia – me një kusht.

“Nëse na ofrohet taksa për njohje, pse jo”, është shprehur Haradinaj, gjatë një interviste të drejtpërdrejtë, në emisionin “Pressing”, në televizionin T7.

“Do të kisha qejf unë ta hiqja”, ka thënë shefi në largim i ekzekutivit të vendit.

Haradinaj ka thënë se taksa duhet të hiqet vetëm nëse Serbia pajtohet me kontratë se do ta njohë shtetin e pavarur dhe sovran të Kosovës.