Një aksident i rëndë hekurudhor ndodhi mëngjesin e sotëm në Itali.

Një tren i shpejtësisë së lartë që lidh Milano-Salerno doli nga shinat në afërsi të Lodit, në territorin e Casal Putserlengo.

Për momentin flitet për 2 persona të vdekur e 28 të lënduar.

Viktimat janë 2 makinistët e trenit e shumica e të lënduarve kanë plagë të lehta e jashtë rrezikut për jetën, raporton oranews.

Ngjarja ndodhi rreth orës 5.30 të mëngjesit të sotëm.

Dy vagonët e parë të trenit dolën nga shinat e ende nuk dihen motivet e këtij aksidenti. Skuadrat e ndihmës së shpejtë e të zjarrfikësve ndodhen në vendngjarje.