Kryeministri i Kosovës, Albin Kurti, vizitën e pare do të kryejë që në javën e dytë të punës, dhe ajo do të jetë në Shqipëri.

Në agjendën që është bërë e ditur nga Zyra e Kryeministrit, Kurti do të zhvillojë takime me krerë institucionesh dhe opozitës në Shqipëri, shkruan Reporteri.net.

Ky takim do të shënojë të parin që pas “përplasjes” që pati në publik Kurti me kryeministrin shqiptar, Edi Ramën, sidomos rreth temave që lidheshin me dialogun.

Pas Ramës, me të cilin do të mbajnë edhe konferencë për media, Kurti do të takohet edhe me presidentin Ilir Meta, kryeparlamentearin Gramoz Ruçi dhe kryeopozitarin Lulzim Basha.

Ndryshe, Kurti kishte qenë vazhdimisht i angazhuar në politikën shqiptare, madje kishte pasur raportime se deputetë të partisë së tij morën pjesë në protestën e studentëve kundër Ramës./Reporteri.net