Një burrë është arrestuar pasi dyshohet se kishte vrarë nënën e fëmijës së tij gjatë një shkëmbimi kujdestarie para një stacioni policor në Kaliforninë Jugore.

Çifti që kishte një vajzë 17 muajshe, u takuan në departamentin e policisë Haëthorne për të bërë një shkëmbim të kujdestarisë, sipas hetuesve.

Kur nëna u afrua në derën e përparme të stacionit për të hyrë dhe për të marrë kujdestarinë e fëmijës së saj, burri u shfaq në parking dhe qëlloi gruan me një armë gjahu.

Gruaja 27 vjeçare, emri i të cilës nuk është bërë i ditur, vdiq në vendngjarje, transmeton Klan Kosova.

Vrasja ndodhi para fëmijës së çiftit dhe nënës së viktimës.

I dyshuari, të cilin policia nuk e identifikoi, iku nga vendi i ngjarjes me kamionin e tij.

Kishte një shkëmbim të shkurtër me armë midis të dyshuarit dhe policisë. Burri më pas braktisi kamionin dhe iku në këmbë.

Ai u gjet më vonë duke u fshehur në një dyqan për auto pjesë vetëm disa blloqe larg nga skena e krimit dhe u arrestua.

Policia tha se fëmija dhe gjyshja nuk u plagosën.