Më shumë se 700 mijë njerëz janë zhvendosur nga rajoni veri-perëndimor i Sirisë, që nga dhjetori, për shkak të një sulmi të vazhdueshëm të forcave qeveritare, bënë të ditur të enjten Kombet e Bashkuara.

“Kjo zhvendosje e fundit përben një situatë tashmë të rëndë në Idlib”, tha për agjencinë DPA, David Sëanson, një zëdhënës i Zyrës së Kombeve të Bashkuara për koordinimin e Çështjeve Humanitare, shkruan The Guardian – transmeton gazeta online Reporteri.net.

Sipas zyrtarit të OKB-së qytetet e tëra në rajonin e Idlibit, janë zbrazur pasi një numër në rritje I civilëve po ikin drejt zonave që konsiderohen më të sigurta.

Rusia dhe Turqia ndërmjetësuan një armëpushim në rajonin e Idlibit në janar.

Por, dhuna shpërtheu sërish pasi forcat qeveritare të përkrahura nga Rusia dhe Irani kanë zgjeruar fushatën e tyrë për të fituar kontrollin e zonës së fundit të drejtuar nga rebelët në Siri.

Turqia e cila mbështetë rebelët anti-qeveritarë, kërcënoi se do të godasë kudo nëse sulmohen trupat e saj.

Ankaraja thotë se 14 ushtarë turk u vranë në sulmet siriane në Idlib gjatë dy javëve të fundit./Reporteri/