Skënderaj u trondit mbrëmë nga një ngjarje e rëndë, pasi një person ishte gjetur i djegur në veturë. Më pas u mësua se bëhet fjalë për 48 vjeçarin Ilir Zeqiri.

Ka qenë vetë ish-kryetari i Skënderajt, Sami Lushtaku, i cili ka bërë të ditur identitetin e tij, shkruan Reporteri.net.

Ndër të tjera, Lushtaku ka treguar se viktima ka qenë veteran i luftës së UÇK-së, si dhe ishte vëlla i dëshmorit Gazmend Zeqiri.

“Është tragjik lajmi i vdekjes së Ilir Zeqirit nga Kopiliqi i Epërm i Skenderajt. Ai ishte veteran i luftës dhe vëlla i dëshmorit Gazmend Zeqiri. Për shumë vite punoi ndershëm për ta siguruar bukën e gojës për familjen e tij. Pres nga organet e rendit që plotësisht të sqarojnë rrethanat e vdekjes”, ka shkruar Lushtaku.

Ndërkohë, Reporteri mëson se viktima prej vitesh punonte si taksist në Skënderaj, me të cilën punë edhe siguronte bukën e gojës.

Ndryshe, motivet e vrasjes së 48 vjeçarit nuk janë zbuluar akoma, mirëpo nga Policia ishte konfirmuar se pranë veturës së tij janë gjetur 5 gëzhoja të plumbave të kallashnikovit./Reporteri.net