Koronavirusi tashmë ka filluar të përhapet me shpejtësi edhe në kontinentin e Evropës.

Pas Kroacisë, bëhet e ditur se është prekur edhe Austria.

Dy rastet e para në këtë shtet janë konfirmuar provincën perëndimore të Tirolit vend i cili ndodhet në kufi me Italinë, transmeton Reporteri.net.

Edhe pse ende nuk dihet saktësisht burimi i infektimit, rastet mund të kenë lidhje me Italinë e cila së fundmi ka 283 persona të infektuar me koronavirus, madje numri i të vdekurve si pasojë e këtij virusi ka shkuar në shtatë gjithsej.

Deri tash në gjithë botën janë regjistruar më shumë se 80 mijë raste me koronavirus dhe kanë vdekur afër 3 mijë njerëz.

Numri më i lartë i të infektuarve ndodhet në Kinë./Reporteri/