Ministri i Jashtëm i Serbisë, Ivica Daçiq pretendon se shteti i Sierra Leones ka tërhequr njohjen e pavarësisë së Kosovës.

Për këtë  Daçiq ka prezantuar notën ku sipas tij thuhet se Sierra Leone ka tërhequr njohjen e Kosovës si shtet i pavarur.

Sierra Leone, shtet në Afrikën Perëndimore në brigjet e Atlantikut, është  ndër shtetet e para që më 2008 kishte njohur Kosovën si të pavarur dhe sovrane, shkruan Reporteri.net.

Daçiq deklaroi se kjo “tërheqje” e njohjes së Kosovës kishte një rëndësi të veçantë për Beogradin pasi Sierra Leone ishte ndër vendet e para që njohu pavarësinë e Kosovës më 2008.

Mediat kanë publikuar edhe momentin ku Daçiq bashkë me ministren e jashtme të këtij shteti nënshkruajnë dhe prezantojnë para gazetarëve notën verbale me të cilën konfirmojnë tërheqjen e njohjes së Kosovës.

Në pamjet e publikuara, Daçiq shihet tejet i lumtur me këtë arritje të tij. Po aq e lumutur duket edhe ministrja e punëve të jashtme të Sierra Leones. /Reporteri.net

Shikoni pamjet: