Nëna e futbollistit më të njohur në botë sot në orët e para të mëngjesit është dërguar në spital.

Bëhet fjalë për nënën e Cristiano Ronaldos, ku mësohet se ajo pësoi sulm në tru dhe është dërguar në spital pas orës 5 të mëngjesit, shkruan Reporteri.net

Dolores Aveiro, nënë e katër fëmijëve, është dërguar në spitalin Dr. Nelio Mendonca në ishullin e saj të lindjes Madeira menjëherë.

Mirëpo, përmes mediave lokale mësohet se kjo e fundit ka vetëdije dhe se pritet që t’i nënshtrohet testeve për të përcaktuar gjendjen e saj shëndetësore.

Kujtojmë, që Aveiro vuante nga sëmundja e kancerit, mirëpo e mundi atë menjëherë pasi u diagnostifikua me sëmundjen në vitin 2007.

Reporteri.net