Kryeministri i Kosovës, Albin Kurti, ka emëruar sot Furtuna Sheremetin si Këshilltare të Jashtme Politike për Çështje Juridike, shkruan Reporteri.net.

Lajmi është bërë i ditur me anë të një njoftim për medie nga Zyra e Kryeministrit.

“Sheremeti është e lindur dhe e rritur në Prishtinë, ku edhe ka përfunduar studimet për drejtësi në Universitetin e Prishtinës. Ajo ka kryer studimet Master në Kriminologji e Shkenca Penale në Universitetin e Oxfordit në Mbretërinë e Bashkuar”, thuhet në njoftim.

Këshilltarja e re, është aktualisht në vitin e fundit të studimeve të doktoratës në Universitetin e Leuven-it në Belgjikë ku edhe është duke hulumtuar temën e adresimit dhe matjes së dëmit të shkaktuar nga krimet e kryera gjatë luftës në Kosovë./Reporteri/