Arabia Saudite ka pezulluar shkuarjen në “Umrah”, nga frika e përhapjes së koronavirusit, pasi mund të prek qytetet e shenjta të Mekës dhe Medinës.

Njoftimin e kanë dhënë zyrtarë të ministrisë së Brendshme.

Sipas mediave të huaja, vizitat janë ndaluar edhe në xhaminë e Profetit në Medinë, njofton Anadolu Agency përcjell Klan Kosova.

Vendimi i fundit nga Arabia Saudite vjen pasi javën e kaluar pezulloi vizat, dhe ndaloi qytetarët të hynin në Mekë dhe Medinë, dy nga qytetet më të shenjta.

Arabia të hënën konfirmoi rastin e saj të parë të koronavirusit, pasi një qytetar i saj ishte kthyer nga Irani, kurse vendet e shenjta, të cilat tërheqin miliona vizitorë çdo vit, mund të pasojnë me përhapje të virusit.