Shpresat për një kurën kundër koronavirusit u ngritën sot pas raporteve se një pacientnë Spanjë u shërua me sukses duke përdorur medikamentet që përdoren për të trajtuar të prekurit me HIV dhe ilaçe që përdorën për sklerozën.
Miguel Angel Benitez – i cili ishte rasti i parë i konfirmuar me koronavirus në vend thuhet se është shëruar plotësisht në Spitalin Virgen del Rocio në Seville, transmeton Reporteri.net.
62-vjeçari u trajtua me ilaçin antiretroviral lopinavir-ritonavir, të shitur me emrin e markës Kaletra, i cili është përdorur për të trajtuar pacientët me HIV për një dekadë.
Tabletat, funksionojnë duke parandaluar shumëzimin e virusit në gjak.
Koronavirusi bëhet vdekjeprurës kur lejohet të shumëfishohet me shpejtësi në mushkëri, të vrasë qelizat dhe të shkaktojë pneumoni.
Sëmundja shumë ngjitëse ka infektuar më shumë se 96,000 njerëz dhe ka vrarë 3,300 njerëz në të gjithë botën, dhe aktualisht është e pashërueshme.
Shkencëtarët shpresojnë të zhvillojnë dhe shpërndajnë një vaksinë brenda 18 muajve. /Reporteri.net
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.