Bizneset dhe qytetarët në kryeqytet kundërshtojnë propozimin, që të dielën të mos punoj asnjë biznes.

Propozimi pritet të diskutohet në mbledhjen e ardhshme të Kuvendit komunal të Prishtinës, në të cilën do të merret vendimi nëse do të zbatohet në praktikë.

Disa komuna në Kosovë kanë filluar ta praktikojnë këtë ligj, por qytetarët kanë treguar pakënaqësi.

Ndërkohë, Oda Amerikane Ekonomike në Kosovë ka dalë kundër këtij vendimi, duke thënë se ngadalëson dukshëm rritjen ekonomike dhe një gjë e tillë nuk është fare praktike.