Përhapja me shpejtësi e Coronavirusit në Itali ka bërë që vendi të kalojë në një gjendje të jashtëzakonshme, ndërsa momentalisht ndeshjet e Serisë A është vendosur që të luhen pa praninë e tifozëve.

E tillë ishte edhe mbrëmja e sotme e Derbit të Italisë mes Juventusit dhe Interit, që u ndoq vetëm nga stafet respektive të të dy skuadrave dhe më tepër se një super-përballje, ngjante me një ndeshje stëvitore.

Ende pa filluar mirë ndeshja, Cristiano Ronaldo u bë protagonist me gjestin e tij, që bëri xhiron e botës, pasi kur mbërriti në “Allianz Stadium” vuri re menjëherë mungesën e atmosferës që krijojnë tifozët.

Megjithatë gjatë ecjes për në dhomat e zhveshjes portugezi hapi dorën si të donte të përshëndeste publikun, që mbrëmjen e sotme ishte vetëm në imagjinatën e CR7-ës, pasi në korridore dhe shkallët e stadiumit mungonte.

No fans are allowed in the stadium due to coronavirus so Ronaldo pretended they were there before the match. pic.twitter.com/ttnjF6Npdt

— Complex Sports (@ComplexSports) March 8, 2020