Instituti Kombëtar i Shëndetësisë Publike të Kosovës sipas një raporti të fundit ka bërë të ditur se në Kosovë ende nuk ka të prekur me koronavirus.

Po ashtu sipas këtij instituti gjatë ditës së sotme 5 persona të dyshuar janë kontrolluar mirëpo rezultatet e analizave kanë treguar që nuk janë të prekur nga ky virus.

Sipas këtij raporti nga data 01.02.2020 deri më datën 09.03.2020 në Aeroportin ndërkombëtar ‘Adem Jashari’ por edhe në pikat tokësore kufitare janë ekzaminuar gjithsej 3.685 udhëtarë.

Vetëm në aeroport janë ekzaminuar 475 udhëtar kurse në Merdare 1.579. Ndërsa numri më i vogël i këtyre ekzaminimeve ka qenë në Glloboçicë me vetëm një udhëtar të ekzaminuar.

Njoftimi:

NË KOSOVË NUK KA KORONAVIRUS!

Nga data 08.02.2020 deri me 09.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 62 mostra të dyshimta në virusin SARS-CoV-2 dhe të gjitha kanë rezultuar negative.

Instituti Kombëtar i Shëndetësisë Publike të Kosovës (IKSHPK) gjatë ditës së sotme me 09 mars 2020, ka marrë informatë nga Klinika Infektive e QKUK-së për pesë raste të dyshimta në COVID-19.

Pacientët u kontrolluan nga ekipi i infektologëve në Klinikën Infektive në QKUK dhe iu morën mostra për testim laboratorik në virusin SARS-CoV-2.

Me datë 09.03.2020, në Laboratorin e Mikrobiologjisë Molekulare në IKSHPK janë testuar pesë pacientë në virusin SARS-CoV-2 dhe kanë rezultuar negativ, domethënë pacientët nuk janë të infektuar me virusin SARS-CoV-2.

Nga data 01.02.2020 deri me 09.03.2020 në Aeroportin ndërkombëtar “Adem Jashari” si dhe në pikat tokësore kufitare janë depistuar gjithsej 3.685 udhëtarë. Në Aeroportin “Adem Jashari” 475 udhëtarë, Merdare 1.579, Vërmicë 1.142, Jarinje 289, Dheu i Bardhë 74, Hani i Elezit 70, Kullë 25, Qafë Morinë 21 dhe Bërnjak 7, Qafë Prush 2 dhe Glloboçicë 1 udhëtarë.

https://www.facebook.com/IKSHPK/photos/a.527771290684213/2593689210759067/?type=3&__xts__%5B0%5D=68.ARA4emSORlc9it5ZCqcth6mmbI5CUbHiiQp1tBiEARoHHCiVtOBNeZHZdCEN0ivcOzKkkG2vcjqtaAEP2kJ-QQLZ9Sq1xGhghwpz7zwzEZ903hZLUmaWgRodXi8mSlVHVFkcU0dn0Sl0cYAZuTVMvoYIK4VnramkcVTTzUYA366beXqSYWw0sQltSqJSk1CQnDQJCjHD3ZqeQQMYnyXYwfa0Adoo5YP2vDXXZPwUDvEYVkP0zEl3-nw_nCDh79V7grT6JrlJuq_KPf-iVEl4zspJaBkGE-EFXM0VyetSrbM_B6Dy4t_AMrdpwv1hteaMWbb9plkG2XmhlSNHqTH5x-V0yQ&__tn__=-R