Ministrja e Drejtësisë, Albulena Haxhiu, ka reaguar pas publikimit të disa fotografive nga një zyrtar i PDK-së, në rrjetin social Facebook, ku ajo shihej teksa e fuste djalin e saj në veturën zyrtare.

Ajo e ka pranuar se ka shfrytëzuar veturën zyrtare edhe për nevoja familjare, shkruan Reporteri.net.

Në një postim në llogarinë e saj, Haxhiu është arsyetuar se përveç që mbanë pozitën e ministres, ajo është edhe nënë.

Ajo ka thënë se kishte ende punë në Ministri dhe djalin e saj nuk mund ta linte në çerdhe pasi as bashkëshorti i saj nuk ishte këtu, ajo e ka marrë djalin dhe është kthyer në punë bashke me të.

Ky është shkrimi i plotë i saj:

“Sqarim për opinionin publik

Disa portale paskan publikuar fotografinë time, duke marrë fëmiun nga çerdhja. Për gjithë ata që shkruajnë, duhet bërë e qartë se përveç se jam Ministre, jam edhe nënë. Në kohën kur ende kisha punë në Ministri dhe s’mund ta lija djalin në çerdhe, meqenëse as bashkëshorti s’ishte këtu, isha e detyruar ta merrja dhe sërish të kthehesha në punë, bashkë me të!

Kaq në lidhje me këtë lajm.”

https://www.facebook.com/hapeporten/posts/3430990990305001

/Reporteri/