Në Itali nuk do të ketë më zona të kuqe, të verdhë apo jeshile pasi i gjithë vendi do të jetë një karantinë.

Vendimi u konfirmua sot në mbrëmje nga kryeministri Giuseppe Conte për të parandaluar përhapjen e mëtejshme të koronavirusit.

Masa ekstreme do të qëndrojë në fuqi deri më 3 prill.

“Nuk ka kohë, numri po rritet”, tha Conte për personat e infektuar nga koronavirusi.

7908 është numri i personave të infektuar në Itali, ndërsa 436 persona kanë ndërruar jetë, shumica e tyre të moshuar mbi 70 vjeç.