Jose Mourinho është zotuar të sigurojë një trofe të shumëpritur në Tottenham, me portugezin i cili nuk do të lejojë që Spurs të bëhet “klubi i tij i vetëm pa medalje”.

‘Special One’ ka një CV të pasur me shumë trofe, nëpër klube të ndryshme dhe e ka ngritur imazhin në një nga menaxherët më të mirë në botë.

Duke rritur reputacionin e tij në Porto, Mourinho ka drejtuar më pas Chelsea, Inter, Real Madrid dhe Manchester United, përcjell lajmi.net.

“Unë besoj se Tottenham nuk do të jetë klubi im i vetëm pa trofe”.

“Fitova në çdo klub dhe besoj se do ta bëj atë edhe me Tottenham”, tha para ndeshjes me Leipzig strategu portugez.