Studentëve të Fakultetit të Mjekësisë u është ndaluar praktika në Klinikën Infektive, që funksionon në kuadër të Qendrës Klinike dhe Universitare të Kosovës. Arsye për këtë janë rastet e dyshuara me koronavirus.

Në Klinikën Infektive të Qendrës Klinike dhe Universitare të Kosovës, sot janë paraqitur gjashtë raste të reja të dyshuara për koronavirus, duke bërë që numri i rasteve të dyshuara të shkojë në tetë.

Lajmin e ka konfirmuar Drejtoresha e Klinikës Infektive, Lendita Ajvazi-Berisha.

“Ne momentalisht në klinike i kemi hostopalizu gjashtë pacientë. Për momentin nuk ka nevojë për shqetësime”, ka thënë ajo.