Ish-anëtari i Lëvizjes Vetëvendosje, Frashër Krasniqi, i cili tashmë ka kaluar në partinë SocialDemokratike, ka reaguar ndaj deklaratës së djalit të Donald Trumpit, i cili tha se është koha t’i tërheqim trupat amerikane nga Kosova.

Krasniqi tha se kohë më parë është cilësuar si tradhëtar kur kishte thënë se kryeministri i tanishëm i Kosovës, Albin Kurti, është i rrezikshëm për Kosovën.

“Kur thojshim “Albin Kurti është rrezik për Kosovën”, na thojshit tradhëtarë”, ka shkruar Krasniqi në Facebook.

Mbrëmë senatori amerikan, David Perdue, kishte thënë se nëse Kosova nuk e heq taksën atëherë SHBA’ja duhet të rishqyrtojë praninë ushtarake.

Ndërkohë një qëndrim të tillë e kanë shpërndarë edhe Richard Grenell dhe Robert O’Brien.

E sikur të mos mjaftonte kjo, djali i Donald Trump, ka thënë në mënyrë të qartë se “është koha që forcat amerikane të kthehen në shtëpi”.