Kryetari i Komunës së Prishtinës, Shpend Ahmeti, ka bërë të ditur se që nga sot do të fillojnë masat parandaluese për koronavirusin.

Ndryshe, Ahmeti ka paralajmëruar se përkohësisht do të mbyllen Qendrat për të moshuarit dhe gjithashtu do të bëhet dezinfektimi i autobusëve të trafikut urban.

“Prej sot fillojmë masat parandaluese për COVID19. Prej nesër do ti mbyllim përkohësisht Qendrat për të Moshuarit për shkak të rrezikut më të lartë nga virusi për të moshuarit. Këto ditë do bëjmë dezinfektimin e autobusëve të Trafikut Urban. Nesër do të shqyrtojmë edhe masa tjera”, ka shkruar Ahmeti.