Ministri i Punëve të Jashtme, Glauk Konjufca, po raporton në Komisionin Parlamentar për Punë të Jashtme.

Ai thotë se nëse presidenti Hashim Thaçi nuk e nënshkruan dekretin e shkarkimit të 7 ambasadorëve, atëherë do ta çojë në Gjykatë Kushtetuese.

Ministri Konjufca i shpreh mirënjohje ambasadores së Kosovës në Uashington, Vlora Citakut që, sipas tij, e lexoi saktë ligjin dhe e pranoi tërheqjen nga misioni diplomatik.

Ndërkaq, Konjufca thotë se siç e sheh ai ligjin, Presidenti i vendit nuk mund t’i vëjë veto dhe duhet ta nënshkruaj dekretin e shkarkimit.

“Nëse ai tenton të vejë veto, atëherë mund ta konsideroj dërgimin e tij në Kushtetuese”, ka thënë Konjufca.

Ai më tej tha se propozimin për tërheqjen gjashtë ambasadorëve dhe një konsulli, e ka bërë në përputhje me ligjin ku thuhet se nuk parashihet një mandat i dytë për të emëruarit politikë në pozitën e ambasadorëve.