Ministrja e Drejtësisë, Albulena Haxhiu, përmes një postimi në rrjetin social Facebook, ka thënë se ka marrë vendim që të shfuqizojë vendimin për përdorimin e automjeteve zyrtare të institucionit që ajo drejton jashtë orarit të punës.

Kujtojmë se disa ditë më parë u raportua se vetë ministrja Haxhiu, ka keqpërdorur veturën zyrtare duke e shfrytëzuar atë për nevoja familjare, shkruan Reporteri.net.

Ky është postimi i plotë:

Nën përcaktimin tonë si Qeveri që të ndalim “gjakderdhjet financiare” dhe reduktimin e shpenzimeve qeveritare, kam marr vendim për të shfuqizuar 24 vendime, lidhur me përdorimin e automjeteve zyrtare të Ministrisë së Drejtësisë jashtë orarit zyrtarë të punës.

Nga sot veturat e Ministrisë së Drejtësisë, do të përdoren vetëm sipas procedurave të Udhëzimit Administrativ 03/2008.

Si Ministre e Drejtësisë do të kujdesem deri në detaje që pasuria dhe paraja jonë publike të mos keqpërdoren ashtu siç ka ngjarë me pushtetet e kaluara.

Bashkëngjitur gjeni vendimin!

/Reporteri/