Një nga këshillarët kryesorë të Presidentit amerikan Donald Trump ka thënë se censurimi i lajmeve nga partia komunsite kineze për fillesat e koronavirusit vrasës ka bërë që sëmundja infektuese të përhapet në të gjithë botën.

“Përhapja e epidemisë në Vuhan është fshehur,” tha këshilltari kombëtar i sigurisë Robert O’Brien në një event në Uashington.

“Dhe kjo ndoshta i kushtoi botës dy muaj vonesë në luftën kundër kronavirusit”, shtoi ai në komentet që shkaktuan një konflikt diplomatik, edhe pse Pekini është përpjekur deri tani të evitojë përplasjet politike me Uashingtonin për pandeminë.

“Sikur të kishim pasur këto dy muaj të tjera kohë dhe bashkëpunimin e Kinës me OBSH do të kishin kufizuar në mënyrë dramatike atë që po ndodh sot në të gjithë botën”, tha O’Brien.

Zyrtarët kinezë janë përpjekur të mbajnë larg debatet politike të lidhura me sëmundjen por kjo duket se u kthye në një bumerang kur liderët e aprtisë dënuan doktorët që raportuan lindjen e virusit. Pas censurës erdhi karantinimi i papritur i të gjithë qytetit Vuhan dhe qendra të tjera të përhapjes, ku u bllokuan milina njerëz.

“Eksperienca e Kinës me sëmundjen ka vendosur një standard ekzemplar. Vizita e presidentit Xi në Vuhan dërgoi mesazhin e fitores në të gjithë botën”, tha sot zëdhënësi i minsitrisë së jashtme Geng Shuang.